بەڕێز و تێکۆشەر کاک دکتۆر بەرهەم ساڵح

زۆر بەداخەوە هەواڵی دوا  ماڵئاوایی  تێكۆشەری دێرینی كوردایەتی‌ و برای بەڕێزتان، كاك  بەڵێن ساڵح پێمان گەیشت. لەناخەوە نیگەران‌و خەمبار بووین بۆ لەدەستدانی ئەم مرۆڤە خۆنەویست‌و دڵسۆزە، كە لە خەبات‌و تێكۆشان بۆ ئازادی‌و سەربەستی گەلەكەی درێغی نەكرد.

بە ناوی یەکێتی شۆڕشگێڕانی کوردستان و ڕێکخراوی یاری کورد بە بۆنەی کۆچی دوایی رێزدار کاک بەڵێن ساڵح لە دڵەوە دڵگران و خەمبار بووین و هەر لە ئەو پێوەندییەدا پرسە و سەرەخۆشی خۆمان ئاراستەی بەڕێزاتان و بنەماڵە تێکۆشەرەکەتان دەکەین و لە خوای گەورە داواکارین سەبوری ئێوە و بنەماڵەی تێکۆشەر و سەربەرزتان بدات .
یاد و ناوی خوالێخۆشبوو (کاک بەڵێن ساڵح)ی تێکۆشەری نەتەوەیی، ڕۆشنبیر و ڕۆژنامەنووسی دیاری کورد بەرز و بەڕێز بێت.
یەکێتی شۆڕشگێڕانی کوردستان و ڕێکخراوی یاری کورد

2.4.2025