لە ٢٨ مین ساڵیاد دامەزریان یەکێتی شورشگێران کوردستان کە بێ وچان مبارەزە و تەقەلا کردنە ئەرا وە دەس هاوردن و دیاری کردن ماف چارەنویس و دەسەوەر کردن ئارەزو هەمیشەیی ملەتەکەمان ئەرا تەئسیس دەوڵەت موستەقل کوردی، گەرمترین تەبریک لە تەرەف رەهبری یەکێتی سورشگێران کوردستان و سازمان یاری کورد تەقدیم کەیمە گشت ملەت گەورێ کورد.
رهبری یەکێتی شورشگێران کوردستان و سازمانی یاری کورد وە ئی بونەوە سڵام و درود ئاراستەێ گشت ئەندامان و هەواداران یەکێتی کەێت و سەر رێز و هورمەت نەوی کەێت ئەرا ئەو کادر و پێشمەرگە قارەمان و جەسوریلە کە لە رێز یەکیەتیەکەمان گیان خوەێان بەخشین ئەرا کوردستانێک ئازاد و موستەقل.
لە ئی روژ پیروز و تاریخیە جێ خوەێ دێرێت سەر رێز و ستایش دا نەونیم ئەرا رەهبر جوان و دڵسوز یەکیەتیمان شەهید سەرکردە کاکە سەعید یەزدانپەنا و پەیمان وەلێا زنە کەیموە کە تا ئاخر نەفەس دریژەدەر رێە پیروزەکەیمن ئەویچ سەربەخوەی وڵاتە..
لە شون ٢٨ ساڵ موبارەزە و پاوەگەزداین یەکێتی شورشگێران کوردستان کە لە ٣٠ گوڵان ساڵ ١٩٩١ لە شەرایەتێک بخوسوس ئەرا مبارزە بەر زد داگیرکەر وڵات یانێ جمهوری ئسڵامی ئێران جور زەرورەتێکی تاریخی لە سەر بنەماێ ئازادی ملی و دەفاع کردن لە داخوازەکان ملەت کورد لە خوەرهەڵات کوردستان،وە رەهبەری شەهید سەعید یەزدانپەنا وە هەڤاڵانی هاتە دامەزریان.
موتەسفانە و فرە وە داخوە رەهبەر جوان و ئازاێ یەکێتی شورشگێران کوردستان هەر زوی و لە ئپتداێ شروع موبارەزەکەوە لە پلانێک تاریک و نادیار وە دەس رەش جمهوری تروریست ئسڵامی ئێران و دویای چوار مانگ لە تەئسیس یەکێتی شورشگیران ترور بی و چیە رێز کاروان پڕ لە سەروەری موبارزان کورد کە لە رێ کورد و کوردستان گیانیان بەخشین.
لە شون ترور بین رێبەر سەعید هاوسەنگەرە دێرینەکانی هیچ وەخت نەیشتن و نایلن ناو و رێبازە پیروزەکەێ کاکە سەعید جوانەمەرگ بێ ناز بکەفێت و جور شێر پڕ وە قورگ چیای کێوەرەشا هاوار دەکەن و بانگی ئازادی و سەربەخۆی وڵات لێ دەدەن و روژ لە گەڵ رۆژ پەیمان نوێ دەکەنەوە لە گەڵ یەکێتی شورشگیرانی کوردستان و کاکە سەعید جوانەمەرگ کە تا دواهەناسە و رزگاری یەکجار وڵات دەست لە خەبات و رێبازە پیروۆزەکەی بەر نەدەن و نەێەڵن هیچ کەس و لاێەنێک بە پێ جوگرافیا و بەرژەوەندی تاکە کەسی ناوی یەکێتیمان بگۆرن و کاێە بە خوێنی هاوسەنگەرکانمانوە بکەن .
وە سەرنجدان وە گوزەشتەێ پڕ لە شانازی یەکێتی شۆرشگێرانی کوردستان و گوزەراندن موشکڵات فرەێک کە رویوەری یەکیەتیەکەمان بیەسوە پیلان و نەقشەێ دوژمنان پویچەڵ کردیمەسوە و ئەرا سەروەری و ماف ملەتەکەمان موبارزە کردیمە.
یەکێتی پشۆڕشگێرانی کوردستان و سازمانی یاری کورد وەک گیانێک لە دو جەستەدا لە شون ٢٨ ساڵ مبارەزە و گیان فدایی وە ئرادەێک قایمتر لە جاران وە لێکدانەوەێک سەردەمیانە لە شەرایەت ئیمروژەێ وڵاتەکەماندا تواێت چارەسەر پرس کورد لە خوەرهەڵات کوردستان بکەێتە پلاتفورم تازەێ خوەێ.
یەکێتی شورشگیران کوردستان و سازمانی یاری کورد لە ٢٨ مین ساڵ یاد یەکێتیەکەمان بانگەوازێک ئاراستەی گەلی کوردستان لە خوەرهەڵات وە گشتی و هێز و لاێەنە سیاسیەکان وە تاێوەتی کەێت،
وە سەرەنجدان و هەلومەرج ئیمروژ خوەرهەڵات کوردستان و هەستیار بین شەرایەتەکە داوا لە گشت خەڵک و لاێەنە سیاسیەکان کەیم دەنگەکانێان بکەنە یەک و ئەرا یەکیەتی نەتەوەیی هەنگاوەکانیان چر بکەنوە
لە روژ ئیمروژا دەوڵەت جومهوری ئسڵامی تویش چەندین قەێران سەخت و تاقەت پڕویکن دەرکی و ناوەکی بیەس و ئەرکە لە سەر هێزە سیاسیە کوردستانیەکان ئی هەلە بقوزنوە و رێزەکانیان یەک بخەن و ئەرا ئازادی و رزگاری یەکجاری گەلی کوردمان لە خوەرهەڵات خەمخۆر بن و کات بە زاێە مەدەن
لە ئاخردا وە ناو رێزەکان یەکێتی شورشگێران و سازمانی یاری کورد پیروزبایی ٢٨ مین ساڵیادی یەکیەتیەکەمان ئاراستەی گشت ئەندامان و لایەنگرانی یەکێتی شۆڕشگێرانی کوردستان و گەلی قارەمان و سەربەرزی کوردستان دەکەین
زندە باد کورد زندە باد کوردستان
پایەدار بێت گەلی کوردستان
یەکێتی شۆڕشگێڕانی کوردستان ،سازمان یاری کورد
