دایم له‌ خه‌م بیم په‌ێ مڵک گوران

 ئەرا ئاگاداری خوەنەرەیل بەرێز و هێژا ،ئی شعرە لە سەر داواێ وەرێوەبەرەیل سایت یاری کورد لە کاک بەرزوو مورادی (کەواڵی) نویساێەسەێ و ئەرا ماڵپەر یاری کورد هەناردێەسەێ .

شعرەکە استقباڵ فرەێک لە لێ کریاس ،وەلێ ئەلان دوس و یار گرامیمان  کاکە وسەێخان قاسمی لە گاوارە ویشێت کە شعرەکە ئەو نویسایەسەی .

ئیمە دەس خوەشی کەیم لە هەر لاێکیان ئی هونراوە جوانە ئەرا گوران و ناوداران گوران نویسانە.

دایم له‌ خه‌م بیم په‌ێ مڵک گوران
قرچه‌ێ بڕشته‌ێ داخ ده‌ریونم
خه‌مان وه‌ر که‌نده‌ن روخ له‌ جه‌مینم
مه‌وینم وه‌ خاو گوران سه‌ر تا سه‌ر
چه‌نیای چه‌ن ساڵه‌ لێش هام وه‌ ده‌ر
وێنه‌ێ خاو روژ مه‌ێو وه‌ یادم
خوه‌ش خاتره‌ش مه‌که‌ێ دڵ شادم
یادێ بکه‌ره‌م له‌ ده‌شت و کوش
له‌ کانی و سه‌راو شه‌وان تا وه‌ روزش
به‌ڵکه‌م سارێژ بوو زام ناسورم
بیاو وه‌ فه‌ر خانه‌ێ خاپورم
گوران کوڵ گه‌شت که‌م ده‌ر وه‌ ده‌ر
کا و کو که‌ژ ده‌یشتان یه‌کسه‌ر
داڵاهو سه‌ێر که‌م نوقته‌ وه‌ نوقته‌
تاش وتاو وێران هه‌ر تاشێ سه‌خته‌
له‌ قه‌ڵازه‌نجیر تا وه‌ گاواره
سه‌راسه‌ر خاکش هه‌مسه‌نگ زه‌ره‌
قه‌ڵاێ میره‌وه‌ێگ هه‌م کانی و ئاوێ
داران کوهه‌ن ساڵ هه‌وز و سه‌راوێ
بوێ نه‌سیم وه‌شت سوز ده‌م و سوێ
چریکه‌ێ مه‌ل و مور ته‌راچه‌ێ وه‌ر کوێ
زه‌مزه‌مه‌ێ تافاو کانی و ئاوێ
هونکی ده‌م سو که‌مه‌رگاێ کاوێ
شاخه‌ شاخ که‌و له‌ نسارێ
چونویر خوه‌ش بوو له‌ سه‌ر دیارێ
سه‌وزی به‌ره‌زا له‌ ساێ که‌مه‌ر دا
چوی زڵف دڵدار که‌فته‌ن وه‌ وه‌ردا
له‌ ده‌وره‌ێ وه‌رین ئه‌حه‌د باستان
سازنا شاێ ئادڵ قه‌ڵاێ نه‌وشیروان
ئه‌وسا گوزاشتن ئه‌حدو ده‌وران
قه‌ڵازه‌نجیر بی وه‌ پایته‌خت گوران
مێردان ئازا شێران قه‌ڵا
نه‌ترس و نه‌پرس نه‌وه‌خت خه‌زا
ئه‌وڵاده‌ێ میرخه‌سره‌و و مه‌ڵک یاسمخان
خان باشخانان یانێ سلێمان
شیرێ چوی ره‌ش به‌ورێ چوین قه‌مه‌ر
شاقل شێره‌ سه‌ر له‌ مه‌ێدان به‌ر
سالار خه‌زا سه‌ردار له‌شکه‌ر
شێر بێوێنه‌ مه‌نسور و زه‌فه‌ر
مه‌رد با ئه‌ده‌ب و بائسم و شوره‌ت
دڵدارو بێباک جور ئه‌لامروه‌ت
له‌ مڵک جافان وه‌ ته‌نیا سوار
شێران به‌نی گوران دا فه‌رار
خێڵ جاف پڕ کینه‌ و کوره‌ت
مه‌له‌رزان شه‌و روژ له‌ ناو ئه‌لامروه‌ت
جهانبه‌خش ده‌ور هه‌م بارام سولتان
له‌ قه‌سرشیرین تا وه‌ کرماشان
ئاواز مه‌ردیه‌ش به‌رز بی نه‌ ئه‌فڵه‌ک
چه‌ن ئه‌دو دێرین ئه‌و کرد هه‌ڵاک
شێر بێ وێنه‌ شاپور شێرگیر
وه‌ مه‌کرو هیله‌ی دوژمن بی وه‌ ئه‌سیر
جه‌مشێر فازڵی مه‌عروف وه‌ جه‌مشێر که‌واڵی
چما زنده‌ بیوی نه‌وه‌ێ که‌یانی
له‌ مڵک گوران وه‌ ته‌نیا سوار
شه‌و و روژ مه‌گه‌ردیا دیار وه‌ دیار
هیچ باک نه‌ێاشت له‌ ئه‌ژده‌هاو به‌ور
وه‌ هه‌ێبه‌ت جور شێر وه‌ هه‌ێکه‌ڵ روسه‌م ته‌ور
نه‌سور و به‌یگمامه‌ێ له‌ دایک ئه‌و بین
وه‌ مه‌کرو هیله‌ێ دوس له‌ ناو چین
به‌ڵێ ئه‌زیزان فه‌ڵه‌ک پڕ فه‌نه‌ن
بنچینه‌ێ خاسان له‌ ریشه‌ که‌نه‌ن
که‌واڵی و قه‌ڵا ته‌رک که‌یم بچیمه‌ ئاینه‌وه‌ن
به‌ن وه‌ به‌ن سه‌ێر که‌یم تا وه‌ بره‌وه‌ن
بچیایم وه‌ ته‌واف خویار دانا
شه‌خسێ ماێه‌دار سه‌ر چلانه‌
ده‌م بنه‌یم وه‌ ناو هونکی ئاوێ
شه‌که‌تی ده‌رکه‌یم له‌ سه‌ر سه‌راوێ
تێر بخوه‌یم له‌ی ئاو زه‌مزه‌م نیشانه‌
گوزه‌رگاێ یاره‌ن چه‌نی بێگانه‌
ئه‌و داران به‌رز پڕ ساێه‌و سێوه‌ر
گردنه‌ نواێ تاو تێژه‌ی خوه‌ر
مه‌لویچک چه‌نی ره‌شوڵه‌ێ تێژ په‌ر
قه‌رار نه‌داره‌ن شه‌وان تا سه‌حه‌ر
سموره‌ێ خوه‌ش پوش نه‌ به‌رزی داران
جور باز و شاهین مه‌که‌رو ته‌ێران
ئی دارو ئه‌و دار ئی له‌ق و ئه‌و له‌ق
وێنه‌ێ باز به‌ران مه‌ێه‌ران مه‌وله‌ق
هه‌ر هه‌ر و هو هو هورگه‌ێ به‌زم یاران
مه‌ێارو نه‌ گوش نه‌ سه‌ر دیاران
نازک نازاران کونه‌ێ ئاو نه‌دوش
شێران ماده‌ پاچین کوردی پوش
شیرین مه‌هوه‌شان چوی تویل شمشاڵ
هوری جه‌مینان ساحب زڵف و خاڵ
مه‌نیشان وه‌ هه‌م گا به‌رز گا خاموش
کزه‌ێ سوز دڵ مه‌نیاران نه‌ گوش
تریکه‌ێ خه‌نه‌ێ نازک نازاران
هوش مه‌به‌رو نه‌سه‌ر نه‌ی ماوه و مه‌کان
هه‌ر له‌شێره‌چیا تا سه‌رچیای کرن
گوڵ و گیاێ وه‌هار هوش له‌ سه‌ر به‌رن
چونویر و رێواز ئه‌زبوله‌ێ خوه‌ش بوو
له‌ گشت ماڵه‌ کوردێ په‌ێا بوو
ئه‌ولعه‌زیز یاد که‌یم هونه‌رمه‌ند بێ هه‌متا
ده‌نگ خوه‌ش و به‌زم خوه‌ش له‌ ده‌شت و چیا
کزه‌ێ گورانی به‌زم قه‌ڵخانی چڕ
مات که‌رو دڵان حاز له‌ بن بڕ
سه‌یمراد وه‌ ده‌نگ سوز گورانی
خه‌ڵک خارج مه‌کرد له‌ په‌ریشانی
دڵ مه‌بوو شه‌یدا ئاشق سه‌رسام بوو
یه‌ک شه‌رت و یه‌ک بینا گه‌وهه‌ر شناس بوو
تا که‌ ده‌ر که‌رو گوفتار به‌نده‌
نه‌ جور نادانان پێم که‌رو خه‌نده‌
من شه‌یدای شێوه‌ی یار دێرینم
یه‌که‌ێ یه‌که‌ ناس نه‌ی سه‌رزه‌مینم
به‌رزو مورادی  کەواڵی   7/2/2012