نامەێکی کراوە بۆ یەکیەتی نیشتمانی کوردستان

هەر وەک هەموو لاێک ئاگادارن پارتی بە ناو ئازادیی کوردستان بە رێبەری حسەین یەزدانپەنا لە ژێر سێبەری پارتی دێمکراتی کوردستانی عیراق لە هەولێرێ پایتەختی هەریمی کوردستان بنکە و بارگای دامەزراندوە و هەر بە پشتیوانی پارتی و جلو بەرگی دەزگای پاراستنی پارتی هەڵ دەکوتنە سەر شورسگیرانی کوردی روژهەڵات و بێسەروشوێنیان دەکەن.

لە ماوەی رابردو ٤ کوردی خەلکی پاریزگاکانی ئیلام و کرماشانیان کە سێانیان یارسانی (کاکەیی) بوون و ئەویتریان کوردی شیعە و خەڵکی کولیایی بوو لە سناریویکی قیزەون لە پێش چاوی هەموو خەڵکی کوردستان کوشت و لە نێو برد.

هەر لە سەردەمی کوشتنی ئەو پێشمەرگانە سێ کەسیتریان بێسەر و شوین کرد و ئێستاش کەس نازانێ لە چە جێگاێکن و بنەماڵەکانیان سەردانی بنکەی پاکیان کردوە لە هەولێر ئەوانیش بەر بێرێزی چەکدارەکانی حسەین یەزدانپەنا کەوتون و لە چارەنووسی جگەر گۆشەکانیان ئاگادار نەکراون.

لە ماوەی دو روژی رابردویش چەکدارەکانی پاک بە پشتیوانی و سەیارەی پاراستنی پارتی لە کۆیە و هەولێر وەک بعسیەکانی سەردمی سەدام حسەین دەستیان کردوە بە رفاندنی روڵەکانی ئیلام و کرماشان و بێ بەزایانە ئازار و ئەشکەنجەیان دەدەن.

پرسیارەکە لێرە ئەوەێە روڵی یەکیەتی نیشتمانی کوردستان وەک بەشێک لە دەسڵاتی باشوری کوردستان لە ئەم جنایەت و خەڵک کوشتن،رفاندن و ئازار و ئەشکەنجانە چیە؟

ئێمە داوامان لە یەکیەتی نیشتمانی کوردستان ئەوەێە کە وەک هەمیشە هەڵوێستی شورشگیرانە و بوێرانەی خوی لە هەمبەر ئەم باندە دز و جەردێە بگرێ و بنکە و بارەگاکانیان لە باریکە و سلێمانی پێ خر کاتەوە و رێگا نەدات هاتوچوی ئەو ناوچانە بکەن کە دەسڵاتی یەکیەتی بە سەرەوێە.

ئەگەر یەکیەتی نیشتمانی لە هەمبەر ئەم رەشە کوژیەی پاک و پاراستنی پارتی دمکراتی کوردستانی عێراق بێدەنگ بێت و هەڵوێستی بویرانەی نەبێت بە دڵنیایەوە ئەبێتە لەکەێکی رەش بە کارنامە یەکیەتی نیشتمانی کوردستانەوە و مێژو ئەوەیان لە سەر دەنوسێت.

ئێمە وەک رێکخراوی یاری کورد یەکیەتیمان لە چونیەتی تیرور کردنی ئەو سێ یارسانیە لە لاێەن پاک و پارتیەوە ئاگادار کردبوەوە و سوزی بە دوادا چونیان داینێ بەڵام بە داخەوە لە ئەو سەر و بەندە پارتی دێمکراتی کوردستانی عێراق کودەتای بە سەر پارلماندا کرد و هیچ کەسیش خوی لە کەیسی رەحیم مستەفایی و یارسانە تیرور کراوەکان نەکردە خاون.

کومیتەی ناوەندی رێکخراو یاری کورد

١٥.٩.٢٠١٦