لهجەێ کەڵهورێ ناوت فراموش بکریەت

ئەو کوردێەلە کە وە لهجەێ سورانی قسە کەن وە هەوڵ و کوشش خوەێان توانستنە کار لە سەر ئەو بەشە لە  زاراوەی کوردی بکەن  وە ئەو خاترە ئیمروژە دەرسەد فرەێک لە مەردم کورد وە گەرد لهجەێ سورانی ئاشنایی دێرن و توانن قسە وە پی بکەن و تەنانەت بنویسن.

کوردێەلێک وە لەهجەی کەڵهوری قسە کەن بەش فرەێکن لە مەردم کوردستان کە کار لە سەر لهجە و ئەدەبیات تاێوەت وە خوەێان نەکردنە و  نسبەت وە  زاراوەێ  کرمانجی و سورانی فرە کەفتنەسە دویا .

ئیمە جامعەێ کورد یارسان بەشێکیم لە مەردمێک کە وە لهجەێ کەڵهوری قسە کەن ئمێدوارم کە کوردێەل مەنتەقێ ئیلام ،کرماشان و خانەقین و بەدرە و مەنەلی  گشت هەوڵ بێەن ئەرا لەهجەێ کەڵهوری  نەیلن لە ناو بچوت .

هەوڵ دان و کار کردن لە سەر لهجەێ کەڵهوری توانێت چەن خاسی ئەرا  زوان  کوردی  داشتوت ١- نویسان و قسە کردن وە لهجەێ کڵهوری بوتە باعث ئەوە  کە کوردێەلێک ئاشنایی وەل ئی زاراوە نەێرن بتوانن زیاتر لهجەکە بناسن و قسە وە پێ بکەن و تەنانەت بنویسن.

٢-کار و خەبات ئەرا لهجەێ کەڵهوری بوتە هوکارێک کە لەهجەکە لە ناو نەچوت و خود کەڵهورەکان بتوانن وە زاراوەێ شیرین کەڵهوری بنویسن و بخوەنن.

ئیمە جور سازمان یاریکورد سەرەرای  رێز دانان ئەرا  گشت لهجەکان کوردی  تەمام هەوڵ و کوشش خوەمان خەیمە کار ئەرا وە کار بردن لهجەێ کەڵهوری و کار کردن ئەرا مەردم کرماشان و ئیلام و گشت کەڵهورەکان و دەوڵەمەن کردن زوان کوردی.

گەرمیان فازلی کەواڵی

.