هەر ئەوجورله ئاگادارێ گرتن ڕاوێژ یارسانی هاتوی ڕووژ شەمه رێکەفت ۲۱ـ۱۱ـ۱۵٠۲ له شار یوتەبوری وە دەسپێشخەری چالاکییەل یارسانی وە هاوکاری مالی فدراسیون یارسان له ولات سوئد وه بەشداری نزیک وه ٤٠ کەس ڕاوێژ یارسانی وه رێووه چی.
له لایان د.فریدون مرادی وەڕیوەبەر فورومەکه له شوون وه خەیر هاتن بەشدارییەل که له ولات سوئد و نرووژ هاتووین، مەوزوو ڕاوێژ یارسانی ئیجاره که وه هوکار مەووج گەوورەی پەنابەران یارسانی و کیشه و گرفت یارسانیه کان له باشور کوردستان تەرخان کریاووی ئێلام کرد.
له ڕاویژ یارسان ئیجاره بێجگه له پەنابەران یارسانی، خانم شادیه حیدری سیاسەتمەدار کورد و نماینده مجلس سوئد و توفیق محمدی له ئەنجومەن پەنابەران ئێرانی بەشدار بین.
کاک ئەلی مهرابی له سەر وەزیەت پەنابەران له سوئد و خەتەر ئفراتگرایی قسه کرد. ناووبریاگ ئشاره کرد که له کەمپ پەناربەران له سوئد گرووییەل ئفراتی شەرتەکان خوەیان وه سەر بەرپرسییەل کەمپەکان و ئەو پەنابەرانتر داسەپنن.
خانم شادیه حیدری وه کورتی سەبارەت وه شەرایەت و سیاسەت پەنابەری ولات سوئد و ئازادی دین قسه کرد و گوشگر داخوازی پەنابران یارسانی بەشدار له فورومەکه بی.
کاک ئەلی فضلی سەبارەت وه گیر و گرفت پەنابەران یارسانی له ولات نرووژ ، کار و چالاکی ریکخراو یاریکورد قسه کرد.
د.فریدون مرادی سەبارەت وه پایمالکردن هقووق ئنسانی و شاروەندی یارسانەکان له ئێران قسه کرد و چەندین نموونه هاورد که نیشاندەر ئەو بی که قانون ئەساسی جمهوری ئسلامی ئێران له خویا هقووق کومەلگای یارسان نادیده گرێد.
کاک توفیق محمدی له ئەنجومەن پەنابەران ئێران له ولات سوئد له سەر پروسەێ پەنابەری و مەوزوو موساحبه و وکیل قسه کرد.
خانم لیزا کاکەیی له سەر گیرو گرفت یارسانیەکان( کاکەییەکان) له باشور کوردستان لە ڕێ تلیفون قسه کرد و داواێ هاوکاری و پشتیوانی له یارسانیەکان کرد.
له شوون کوفتگوو فرەێک نەتیجه فوروم دووم ڕاوێژ یارسان دوو خاڵ بی:
۱ـ چەند نەفەر له بەشداران دەستنیشان کریان ئەرا هاوفکری و ئامادەکردن و گرتن دانیشتن ئەرا تەشکیل یەک کومیته هقووق بەشەری یارسانی.
۲ـ ئدامە دان وه پشتیوانی له داخوازی یارسانەکان له باشور کوردستان وه شێواز مەدەنی.
رێکخەرییەل فوروم دووم ڕاوێژ یارسان
یوتەبوری ـ سوئد
sminar 3sminar 2sminar1ali sminar soed

Likes(0)Dislikes(0)