داخێ نیشته شان دەرد و داخ کورد
تالان کرد خەزان سەرگوڵ باخ کورد
هەم کوردان هەڵدان بەیداخ خەم  له نوو
پڵمەێ گیریانه و شیوەن و رۆرۆ
جەفای روزگار نامەردی  زەمان
بێ خەوەر هاتوو قامەت کورد چەمان
وشکان سەرچشمەێ کانیاو زەڵال
زاناێ نەتەوەم بەرێز مام جەڵاڵ
خەوەر خه م رەسیه  شاران گشت سەرجەم
سنه و کرماشان بین غەرق ماتەم
بڵێزەی  ئاگر شوڵەی ئاخ و داخ
کەفته ناو بانه و بوکان و سابڵاخ
ایلام لێو وه بار مهران خەمین  بی
ماتەم پەی قەصر وسرپیل سەنگین بی
حەڵبجه له نوو داخی تازه بی
شیوەن له شەنگاڵ بێ ئەنازه بی
تەمام سیه پوش ئافرەت کوبانی
موسەسەڵ خاموش دەس وه  زرانی
زەماوەن لەنگ کرد  کوچ مام جەلال
خوەشی  برد له دڵ خەوەر تیژ و تاڵ
مامه هەزار سال عومر ئەرات کەمه
بارودوخ  کورد بێ خوەت موبهەمه
بهشت بەشت بوو وەخت سەفر نیه
وخت بێکەسی کورد..  ..دەروەدەر  نیه
مامه دام مەرگ نەکەی هەرگز ئەسیرت
گشت سەف بەسایمە و هایمە مەسیرت
مامه له وڵات زەمزەمەێ جەنگه
عەرسەێ سیاسەت ئەرات دڵ تەنگه
تا تێر نەخوەیم له گوفت و لفت گەرمت
سەخته پەێ مەزارهەڵ بگریم تەرمت
مامه له دوریت خەمین وماتیم
تا روژ مردن هەر وه  تەماتیم
مامه لەی دونیای پر رەمز و رازه
بێ  رابەری خوەت، خەڵقت بی نازه،،
پێشمەرگەی  نەمر، روژنامەوانم
ئازادی خواز  رێ قانون زانم
زانای با تەدبیر سوخەن سەنجەکەم
له جەور زەمان دڵ نەرەنجەکه م
ساف و زەڵاڵم چوی ئاینەی پاک
چوی باوەر بکەم تەشریف بەی وە خاک
توخوا چوی جاران بەو میوانمان به
روژنایی چەو و دڵ وگیانمان به
نازار کوردانی  هەر مام جەلالی
توکەی  میوانی خوەت خاون ماڵی
عەزادار نکه چوار پارچەی کورد
داخینمان نکه له زروو له ورد
عزیز دەس نایەی دی مجالێتر
داڵگ ناتێری  مام جەلاڵێکتر
هەم پیشمەرگه بی هەم با سیاسەت
قانون مدار بی له ئەوج ریاسەت
مامه  له دەس کورد وە تەنیا نەچی
گەنجی بی له کیس تەمام دنیا چی
فەڵەک دو تیر داشت له ناو یە کەمان
چڕچێل کورد کوشت و ماندلای زەمان
زوان قاسره و شعر ناتەمامه
سڵام له روح ومەرامت مامه

نویسەر ع.کەواڵی

Likes(1)Dislikes(0)