مەبەست لە ئەم وتوێژە ئاڵوگۆرکردنە و  ورژاندنی بیرورای ئەندامانی رێبەری رێکخراوی یاری کوردە سەبارەت بە روداوەکانی کوردستان و ئێران .
بە پێ ئاشنایی ئێوە لە بارودوخی سیاسی و تێگەیستنی دروست لە ئایینی یاری و هەر وەها باردۆخی رۆژ پێم باش بوو لە سەرەتا لێتان بپرسم کە:
بۆ هێزە سیاسیەکانی کوردستان بە تایبەتی هێزەکانی روژهەڵات هاوکاری هێزە ئیسلامیەکان دەکەن و بە هەرەشەیان نازانن بۆ سەر بەرژەوەندی نەتەوەیی بەڵام زۆر خوشبین نین بە رێکخراوە یارسانەکان ؟
سەرەتا جێ خۆیەتی کە سپاسی بێ پایانی خۆم پێشکەشی بەرێزت بکەم کاکە هادی بۆ ئەرک و زەحمەتەکانت لە پێناو ناساندنی فەرهەنگ و کەلتورێک بە ناوی یارسان(کاکەیی) کە ناسنامەکەی تەنیا پێناسە لە کورد و کوردستان دەکات و کوردە یاریەکان توانیویانە ئەم نرخە نەتەوەییە بپارێزن و بە ئەمانەت بیدەنە دەستی نەوەی دوای خویان، ئەرکە لە سەر شانی تاک تاکی ئێمەش هەر کەس بە پێ توانایی خوی پارێزگاری لێ بکات و نەێەڵی لە ناو بچێت.
وڵامی پرسیارەکەی جنابت بە باوەری من هەر هێز و لاێەنێک هەر تاکێکی کورد دروشمێک بەرز بکاتەوە بە ناوی رزگاری نیشتمان و خوی بە پارێزەری وڵات و نەتەوەی کورد بزانێ، ئەبێ لە پێشدا شارەزای جغرافیای کوردستان بێت و بست بە بستی خالی  نیشتمان و رەنگە جیاوازەکان بناسێت.
ئەوەی بۆ ئێمە کوردە یارسانەکان جێ داخە و جێ پرسیارە ئەوەێە کە خەڵکی کورد و هێزە بە ناو پێشرەواکانی کوردستان هێشتا شارەزای ئێمە و مێژوی ئێمە نین کە بزانن یاراسان واتە کورد، کورد واتە یارسان. یارسانەکان گەورەترین پارێزەری کوردستان بوونە و گەورەترین پارێزەری وڵاتیش دەمیننەوە، کوردستان جێ راز و نیازی ئێمەێە و زمانی کوردیش زمانی پارانەوەی ئێمەێە بۆێە هیچ کەسێک ناتوانێ خوی بە سەر ئێمەدا هەڵکیشێت و خوی لە ئێمە بە کوردتر بزانێ.
ئەگەر ئێمە سەرەنجێک بدینە زۆربەی هێزە کوردیەکان ئەبینین هەموو بەرنامەکانیان بە ئایەتێک لە قورئان دەست پێ دەکەن و لە کاتی مردنیش هەر بە ئایەتی قورئان و ئەلفاتیهە ماڵ ئاوای لە مردوەکانیش دەکەن بۆێە ئێمە نابێ چاوەروانی زیاترمان لە ئەو هێزانە بێت، هاوکاری ئەوانیش لە گەڵ هێزە ئیسلامیەکانی کوردستان هەر لە چوار چێوەی ئەو فکرەێە کە لە مێشکبلندا ریشەی داکوتاوە، هەر چەند زۆر جار ئەڵێن ئێمە حزبێکی نەتەوەیی و سکولارین بەڵام کردەوەکانیان پێچەوانەی ئەوە بۆ ئێمە دەسەلمێنێ.
من پێم واێە هەر هێزێک خوی بە کوردستانی بزانێ هەر کوردێک خوی بە کورد بزانێ نابێ لە هیچ شەرایەتێک لە گەڵ هێزە ئیسلامیەکان هاوکار و هاودەنگ بێت لە بەر ئەوی مێژوی ئیسلام لە کوردستان تەنیا خوێن رشتن و ماڵ وێرانی و کچ بە کویلە بردن بووە و هیچیتر هەر کەسێکیچ دوای بیری ئەو درندانە بکەوێ واتە لە رێبازی راستقینەی خوی لای داوە خوی فروشتوە بە کاسانێک کە زیاتر لە ١٤٠٠ ساڵە کورد بە دەست ئەوان و ئاینەکەیانەوە ئەناڵێنێ و هەتاکوو سێبەری ئەوان و ئاینەکەیان بە سەر ئاسمانی کوردەوە بێت هەر وا کویلە و داماو و بێ وڵات دەمینینەوە .
بۆ چی برێک لە یارسانەکان کە خویان بە چالاکی یارسانی دەزانن هازر نین دان بە یاری کوردا بنیەن ؟
ئێمە وەک رێکخراو یاری کورد شەرعیەت لە کەس وەر ناگرین تەنیا شەرعیەت لە خەڵک و کادر و ئەندامانی خومان وەر دەگرین ئەو بە ناو فعالانەش کە هازر نین و ناتوانن یاری کورد ببینن و یاری کورد بۆیان هەزم ناکرێت ئاوی سارد لە وڵاتانی ئسکەندیناوی زۆرە ئەتوانن ئاوی سارد بخوەنەوە هەتاکوو جەستەیان فێنێک بێتەوە.
بە خۆشیەوە رێکخراوی یاری کورد توانیویەتی برێک لە یارسانەکان کە خویان بە چالاک ئەزانن لە فارس گەرایی و تەپڵ لێدان بۆ فارسەکان دور بخاتەوە و بیانهێنێتە باوشی کوردایەتی لە ترسی یاری کورد ناتوانن و ناوێرن بە ئاشکەرا لە گەڵ فارسێکدا قاوەێک بخونەوە ،بە باوەری من ئەوانە تەنیا لە بەر ئەو خاڵانە باسم لێ کردن لە یاری کورد و تێکوشەرانی یاری کورد داخ لە دڵن ئەگەر نە ئێمە هیچ کێشەیکی شەخسیمان لە گەڵ کەسیان نیە.
بە باوەری ئێوە هوی هاوکاری نەکردن یان یان زعف لە هاوکاری رێکخراوەکانی هاوسەنگی رێکخراوی یاری کورد چیە؟
بە بۆچوونی من برێک خەڵک پەیدا بوون خویان کردوە بە ئەربابی یارسان و ئەڵێن جگە لە ئێمە نەبێت هیچ کەسێک بۆی نیە وشەی یاری و یارسان لە ئەدبیاتی سیاسی یان کومەڵایەتیدا بە کار بهێنیت ئەوە لە هاڵیکداێە ئەو بەرێزانە هیچ کاتێک جگە لە ئەم چەند ساڵەی دوایی نەبێت هەڵگڕاون و خویان کردوەتە میراتگەری یارسان هیچ کاتێک هەنگاوێکی خێریان بۆ یارسان و کومەڵگای یاری هەڵنەگرتوە ئێمەش وەک یاری کورد لە سەر خەباتی خومان بەردەوام دەبین و هیچ کات ملمان بۆ کەس شل نەکردوە و گوی بە ئەو جۆرە کەسانە نادەین تەنیا هۆکاری دوری کردنی ئەوانە لە ئێمە ئەوەێە ئێمە دەمانەوێ لە گەڵ خەڵک و خاک و نەتەوەی خومان بژین ئەوانیش ئەیانهەوێت بە وشەی یارسان یارسان کوردە یارسانەکان لە کومەڵگای کوردی دابڕن و بۆ مەرامەکانی خویان بە.کاریان بێنن بەڵام قەت ناتوانن ئەو ئامانجانە بپێکن لە بەر ئەوەی کوردە یارسانەکان زۆر لە ئەوە تێگەیشتوترن بکەونە داوی برێک هەل پەرەست و پشت لە نەتەوە و نیشتمانی خویان بکەن.
رێکخراوی یاری کورد چە روڵێک دەگیرێ لە ئایندەی کوردە یارسانەکان و کوردستان بە گشتی؟
رێکخراو یاری کورد لە سەرەتای دامەزراندنیەوە هەتاکوو ئێستە باوەری وا بووە و هەر لە سەر ئەو باوەرەش دمینیتەوە کە یارسانەکان بەشێکن لە نەتەوەی کورد و هیچ کات نابێت خویان لە ملەتی کورد جودا بزانن و نابێت بواریش بە هیچ کەس و لاێەنێک بدەن بە ناوی ئاینەوە درز بخەنە ناو ماڵی کورد .
ئێمە پێمان واێە کە هەر نەتەوەێک وڵاتی نەبێت نە دینی هەێە نا ئایین بۆێە خەبات و روڵی ئێمە زیاتر نەتەوایەتی دەبێت و هەوڵ ئەدەین کە ئایین بخەینە خزمەت گەل و نیشتمان نەک گەل و نیشتمان بخەینە خزمەت ئایین .
وەک خۆت ئاگاداریت ئێمە هەموو توانای خۆمان خستوەتە گڕ بۆ ئەوەی بیری نەتەوەی لە نێو ئەندامانی خومان بە‌هێز بکەین و لە داهاتووش لە سەر ئەو روڵەمان بەردەوام دەبین هەتاکوو ئەو روژەی دەبینە ساحب وڵات و ئاڵای خومان .
هەر کەسێک شارەزای دەفتەرەکانی یارسان و فەرمودەکانی پێشەوایانی یاری بێت ئەوانیش لە بەرانبەر داگیرکاری ئەو سەردەم زیاتر لە سەر کوردایەتی و ئاینی کوردان خەباتیان کردوە و لە بەرانبەر قورئانی عەرەبی دەفتەری کوردیان هێناوەتە کایەوەوە بۆێە ئەورۆکەش لە سەر یارانی سان سەهاک فەرزە بۆ پیروزیەکانی وڵاتی کورد خەبات بکەن و تێ بکوشن.
زۆر کەس گلەیی دەکەن کە تۆ بابەتەکانت زیاتر بە سۆرانی دەنووسی هۆی چیە؟
من لە دایکێک بووم کە بە زاراوەی کەڵهوری قسەی کردوە زاراوەی کلهوری یان بڵین لهەجەی کرماشانیم لە هەموو زاراوەکان لا خوشترە بەڵام سورانیش زمانی بێگانە نیە بەشێکە لە زمانی شیرینی کوردی بۆ مەگەر سۆرانی نووسین تاوانە؟من لە ئەو بەرێزانە دەپرسم ئەگەر بە فارسی نووسیبام و منداڵەکانم وەک ئەوان ناردبا قوتابخانەی فارسی دیسان ئەو پرسیارەیان لێ دەکردم؟
ئامادەکردنی هادی فەرزی

ali fazeli

Likes(3)Dislikes(0)