بۆ برا یه‌زیدیه‌کان ،کرستیانه‌کان،جووه‌کان ،زه‌رده‌شتیه‌کان،مووسڵمانه‌کان، سابیه‌ مه‌نداێی ،عه‌لویه‌کان،تورکمانه‌کان.

کوردستانیانی به‌ڕێز،
پێکهاته‌کانی ئاین وئۆل و ئاینزا و نه‌ته‌وه‌کانی کوردستان
له‌ پێناو ڕێزگرتن له‌ کورد کوردستانیان و له‌ پێناو ڕێگرتن له‌ بێ ڕێزی به‌رانبه‌ر به‌ یارسانه‌کان (کاکه‌ییه‌کان ).
له‌ ڕۆژهه‌ڵاتی کوردستان به‌ بۆنه‌ی بێ رێزی و هێرش کردنه‌ سه‌ر ته‌نیا جه‌م خانه‌ی ئاینی یارسانه‌کان (کاکه‌ییه‌کان ) له‌ شاری شاباد سه‌ر به‌ پارێزگای کرماشان که‌ رۆژی شه‌ممه‌ ڕێکه‌وتی ۲۷/۲/۲۰۱٦ له‌ لایه‌ن چه‌ند که‌سێکی نه‌ناسراو سه‌ر به‌ ڕژێمی ئیسلامی ئێران .داواتان لێ ده‌که‌ین هه‌ڵوێستی خۆتان هه‌بێت ، ئه‌گه‌ر نا
ئه‌م بێ ڕێزیه‌ ئه‌مڕۆ به‌رانبه‌ر ئێمه‌ بوو سبه‌ینێ به‌رانبه‌ر ئێوه‌ ده‌کرێت . ئێمه‌ بووینه‌ به‌ ئامانجی دوژمنانی کورد چونکه‌ چۆکمان دانه‌نواند و مێژوومان گه‌واهی ده‌ره‌ .
کوردان هاو نیشتمانیان،
به‌ ناوی برایه‌تی و دۆستایه‌تی و کوردایه‌تی ، هیوادارین که‌ هاوزۆزمان بن به‌ مه‌به‌ستی ئیدانه‌ کردن و پشتگیری کردنی ……..له‌ شه‌ممه‌ی یاران….. چ به‌ ده‌رکردنی یاداشتنامه‌ یان به‌شداری کردنی ڕاسته‌وخۆ له‌ خۆپیشاندانێکی هێمنانه‌ له‌ به‌رانبه‌ر نۆێنه‌رایه‌تی ڕژێمی ئیسلامی ئێران له‌ نۆڕوه‌ی ، سوید و ئه‌ڵمانیا.
-له‌ وڵاتی ئاڵمان له‌ پارێزگای فرانکفۆرت رۆژی شه‌ممه‌ رێکه‌وتی ۱۲/٣/۲۰۱٦ کاتژمێر ۲ هه‌تا ۵دوای نیوه‌رۆ له‌ به‌رانبه‌ر کنسوولخانه‌ی ئیران .
– له‌ وڵاتی سویید رۆژی شه‌ممه‌ له‌ پارێزگای ستۆکهۆڵم رێکه‌وتی ۱۲/۳/۲۰۱٦ کاتژمێر ۱هه‌تا ۳ دوای نیوه‌رۆ به‌رانبه‌ر سه‌فاره‌تی ئیران .
-له‌ وڵاتی نۆروێژ پارێزگای ئۆسلۆ رۆژی شه‌ممه‌ رێکه‌وتی ۱۲/۳/۲۰۱٦ کاتژمێر ۱هه‌تا ۲ به‌رانبه‌ر سه‌فاره‌تی ئیران

کاتی سه‌لماندنی دۆستایه‌تی و برایه‌تیه‌ ئێمه‌ش پشت ئه‌ستورین به‌ هه‌ڵوێستان

۱۰ مارس ۲۰۱٦

Likes(0)Dislikes(0)