روژ ٣٠.١١.٢٠١٤ لە دەیشت زەهاو ئابادی مافی سەر وە پارێزگای کرماشان سێ نەفەر وە ناوەکان نازدار مرادی ،حسین عزیزی وجعفر عزیزی کە هەر سێکیان ئەندام یەک خانەوادەن ئەرا ئەنجام کار و کاسبی روژانە چنە ناو زەوی و زار خوەێان گولە توپێک کە باز ماندەێ جەنگ ئێران و عەراقە تەقێتە پێانا و دەس وەجێ گیانێان لە دەس دەن.
ئەو خانەوادە یەکیکن لە فەقیرترین و کەم دەرامەدترین بنەماڵەکان ئابادی مافی کە تا ئەلان حسین و جعفر لوقمەێ نان ئەراێان پەێدا کردن ئیسە ئەوانیچ لە دەسێان چین.
ئیمە جور دەستەێ وەرێوەبەری رێکخراو یاریکورد
سەرەخوشی کەیم لە خانەوادە و کەس و کار ئەو عەزیزەیلە و گشت ئابادی مافی و خوەمان لە خەمە گەورەکەێان شەریک زانیم.
رێکخراو یاریکورد ٢.١٢.٢٠١٤

Likes(0)Dislikes(0)