رۆژ ۳ دسامبر ۲۰۱۶ زایینی لە شار» سترنگس» وڵات سوئد ، ریکخراو» یاری کورد و پلاتفۆرم یارسان» سمینارێگ هاوبەش ئەڕا جوانەیل و خانوادەیل یارسانی و بڕێگ لە جوانەیل هەر چوار پارچەی کوردستان وەرێوە بردن.
سمینارەگە وە دەقەێگ بی دەنگی ئەڕا قەیرزانی لە یاد و هویرمان شەهیدەیل رێ ئازادی کوردستان شروو کرد.
لە شوونی وە نمایندەگی لە ریکخراو یاری کورد «هادی فەرزی کەواڵی» قسە ئەڕا بەشداربیەیل کرد.
هادی فەرزی لە بەشیگ لە قسەگانی وەت: ئەرا بەرقەراری پەیوەندیەیل نزیک و دەفاع لە فەرهەنگ و زوانەگەمان و پشتیوانی لە خواست و حقوق کۆمەڵگای یارسان، ئەی دیدارەیلە وە زەروور زانیم . کرید ئیمە جوور دو جەریان یارسان لە زمینەیل هاوبەش وە گەرد یەک هاوکاری بکەیم.
هادی فەرزی هەمیش وەت: باید لە وەرانوەر سیاسەت دوژمنەیل کورد وشیار بیم و ئجازە نەیەیم دوژمنەیل تەفرەقە لە ناوین خەڵکەگەمان دروس بکەی.
لە ئدامەی سمینارەگە هاوسەرۆک پلاتفۆرم یارسان «مهرداد ئەحمەدی» لە سەر رەوش ئیسەی ناوچەگە، کۆمەلگای یارسان و ئەهمیەت دروس بین پلاتفۆرم یارسان قسە کرد.
ناوبریاگ لە بەشێگ لە قسەیلی وەت: کۆمەلگای یارسان وە خاتر وەزیەت جوقرافیایی و رەوش ئێسەی ناوچەگە ئحتیاج وە پیوەندی وە گەرد چین و پێکهاتەیل ترەک دێری و لازمە گشت ریکخراوەیل یارسانی لە زمینەیل جیا جیا وە گەرد یەک هاوکاری بکەن.
لە لای ترەک، هاوسەرۆک پلاتفۆرم یارسان «ئەنەم کەرەمی» ، لە سیمینارەگە لە بارەی نەخش ژنەیل لە رۆژهەڵات کوردستان و بەرخوەدان ژنەیل لە رۆژئاوای کوردستان قسە و باسێگ پێشکەش کرد.
ئەنەم کەرەمی لە بەشێگ لە قسەیلی وەت: ژنەیل لە رۆژهەلات کوردستان سەربار فشارەگان رژیم ئێران پاوەگەزدان کەن و ئرادەی خوەیان تەسلیم سیاسەتەیل رژیم ناکەن.
کەسێگ جور «زەینەب جەلالیان» کە ساڵیان فرەێگە لە ژیر سەخترین شکەنجە و فشارەیل رژیم ئێران تویش نەخوەشی بییە، وەلێ هێمان پاوەگەزدان کەی.
هەر وەیجوورە لە رۆژئاوای کوردستان دیمن ژنەیل روڵ ئەساسی لە شۆڕش داشتن، ژنەیل لە رۆژئاوا ئرادەی ژن کورد وە جەهان سابت کردن و بینە نماد بەرخوەدان.
لە بەش ئاخر سیمینارەگە جەوانەیل یارسانی لە فەزاێگ دووستانە گەرد یەکا گفتۆگۆ کردن و نەزەر و تەفرەنجەیل خوەیان هاوردنە سەر زوان.
Likes
(3)Dislikes
(0)


dastan xosh dostan va yaran yarikur o platform yarsan va omid hamkari zyatrtan .
بسیار زیبا درود بر شماها
دەستان خوش امیدوارم کە همکاریەکاندان ادامە بیەن
با وجود این میزان از خشونت و افراطگری
مذهبی کوردها از یارسانی گرفتە تا غیر یارسانی ، طبیعتا باید برای یک ز ندگی مصلحمت آ
میز و دور از هر نوع تفرقە و خشونت با هم همکاری کنند . بە نظر میرسد کە منطقەی کە ما یارسانیان در مرز جغرافیای آن زندگی میکنیم در ابتدای یک دورەی طولانی از نا آرامی و آشوب و جنگهای مذهبی میبینیم و در حقیقت هیچ ارتباطی با خواستەهای مردم یارسان ندارد .
آنچە امروزە در خد
مت ملت کورد و مردم یارسان
یباشد اتحاد و همبستگی است کە باید در این زمینە تلاش کنیم .
آنچە سازمان یاریکورد در این چند مدت از مبارزەی خود برای معرفی کردن چهرەی واقعی خواستهای مردم یارسان از خود نشان دادە است جای تقدیر و سپاس میباشد . .