رۆنکردنەوەێک لە رێزدار کاک جەلیل گادانی رێبەر و تێکوشەری دێرین سەبارەت بە وتوویژێک لە گەڵ رادیەو کوردانە

 کاک جەلیل گادانی رێبەرێکی دڵسۆز و دێرێنی کوردە لە روژهەڵات نیشتمان  و مێژووی خەباتی کاک جەلیل و بنەماڵەی بەرێزی گادانی بە پاکی و راستی  لە نێو خاباتکارنی کورد ناسراوە .

ریزدار کاک جەلیل وەک سیمایکی دیار و ناسراو و رێبەرێکی بە توانا و دڵسوز  هەمیشە هەولی داوە و لە هەول دا بووە رێزەکانی گەلی کورد  یەک بخات و لە پێناو  مافی پێشمەرگە و  شورشگیرانی کورد وەک   نوینەرێکی راستەقینە خۆی دەر خستوە و هەولی داوە مافی هیچ پێشمەرگەێکی خەباتکار نەفەوتێت ، هەر لە بەر ئەوەشە  گەلی کورد لە روژهەڵات بە هەموو پێکهاتە و زارەوەکانیەوە رێزی تایبەتیان بۆ رێزدار کاک جەلیل هەێە و خۆشەویستی  گەلی کوردە لە  ئەو بەشەی وڵات 

روونکردنەوە:( کاک جەلیل گادانی )

هاوڕێیان ، دۆستان،خوێنەران و بیسەرانی بەڕێزی ئەم وتووێژەی کە من لەو دوایانەدا بە
دەنگ دەگەڵ رادیۆ کوردانە کردوومە .
سڵاوێکی گەرم
داواتان لێدەکەم کە لەخۆڕا هەڵمەچن ، ئەمن ئەو وتووێژەم لە رێگەی سکایپ بە دەنگ کردووە . ئەوەی گوێتان لێبووە قسەی خۆمە و لێشی بەرپرسیارم.
بەڵام لەو نوسراوەی کە ئەسکەندەری نووسیوێتی بەرپرسیار نیم و قسەی خۆیەتی و بەشێک لە قسەکانی منی تەحریف کردووە و لەسەرەتای ژیانمەوە مخالیفی درۆ و درۆزنان و بوختانچیان بووم. ناوبراو نووسیوێتی بە تەیارە لە کوردستان را بردوویانە ، یان نفوزی حیزب بووە ! یان لەسەر دەورەی رابردوو بە مەبەستی تایبەتی شتی نووسیوە و من دەگەڵی نیم.
ئەمن گوتومە شکمان لەسەری هەبووە کە ئەو کابرایە شاپوری شەهید کردووە بەڵام بە یەقین نەگەیشتووین و ئیزنمان داوە ماڵ و منداڵەکەی لە رێگای زاخۆوە بەڕێ بکا بۆ تورکیە ، بەڵام دوایە بۆخۆشی هەڵاتوە و خۆی گەیاندۆتە تورکیە و لە ماوەیەکی کەم دا دەربازی دانمارک بووە.
ئێمە وەک حیزب نەیارمەتیمان داوە بۆ دەرباز بوون نە هاوکاریشمان کردوە ، تەنیا ئیزنی وەمان داوە ماڵ و منداڵەکەی بەڕی بکا.
ئەگەر ئەو کات یەقینمان هەبا و سابیت بووبا کە ئەو شەهیدی کردووە بە توندترین شێوە سزامان دەدا .
تکایە لە خوێندن و گوێگرتن دا وردبین بن و دوایە قەزاوەت بکەن.
بە هەر حاڵ ئەو جینایەتە لە راستای بەرژەوەندی کۆماری ئیسلامی دا بووە و لێخۆشبوونی محاڵە.
بە حورمەتەوە جەلیل گادانی 04.05.19