یاران گرامی

له ناوو مانگ دوو سه‌رۆك وه‌زیران سوئد  سه‌ردان ولات ئیران كه‌ید، ئیمه جوور هاوولاتی سوئدی  وه‌  ڕه‌چه‌ڵه‌ك  یارسانی داواكاریم كه  وه‌زیه‌ت مافه كان  كۆمه‌ڵگای یارسان له ئیران بخه‌نه وه‌ر باس و گه‌فتگوو وه‌ل  حكوومه‌ت ئیران.

له گشت یاران له ولات سوئد داواكاریم له نامه پشتووانی بكه‌ن.

Image result for sverige statsminister 

به رێز ستێفان لوێڤفن سه رۆک وه زیره ێل

ئیوه‌ فره‌وه‌ خاسی ئاگادار ره‌وش   تاریک و ناله‌بار مافه‌ێل به‌شه‌رن له ئێران.  هه‌روه‌ی خاتره‌ ئیمه توایمن   به‌رێزتان  وه‌ شێوه‌ی تاێوه‌ت له سه‌ر  خه‌راوترین ره‌وش مافه‌ێل ئنسانی  یارسانیه‌کان  له ئێران، خه‌وه‌ر دار بکه‌یمن.

باوه‌ره‌ ێل یارسانیه‌کان ( دین یاری) هه‌ڵه‌وگه‌ردیه‌ت ئه‌را لاێ زه‌مان وه‌رجه ئیسلام له ئێران و ئه‌راق  و هه‌میچ له‌ووه‌ر  باوه‌رێلیان که‌فتنه‌سه‌ ژێر فشار و له وڵاتێک جور ئێران ئه‌وان سێ  گوزینش ئه‌رایان کلک نیشان کریاس:١.باوه‌ر هاوه‌ردن وه ئیسلام شیعه و به‌هره مه‌ند بین له كه‌مته‌رین ماف  مه‌ده نی.٢.  درێژه‌دان  زنه ی وه بێ به‌شی   له مافه ێل گه ردونی و ئنسانی٣. وه‌جێ هیشتن وڵات خوه‌یان

جێ وه‌تنه که ژماره‌ێ فره‌ێک له  یارسانیه‌کان له پاییز ٢٠١٥ وه  په‌نا هاوردنه سه   ولات سوئد و داوای په‌ناخوازی  پێشکه ش کردنه.

مافه‌ێل ئنسانی و بنهه‌ڕه تی   یارسانیه‌کانیان وه شێوه‌ێکی یاسایی وه لایه ن  ره‌ژیم  ئێران خریاسه ژێر پا . ئی تاوانه له‌یه‌و وه‌ر وه لاێه‌ن  چه‌ن رێکخراو ناوده ڵه‌تی  هه‌م شه‌وق خریاسه   سه رێ و هه‌میچ   هه‌ڵوێست له سه‌رێ گریاس. ئه را وێنه شه وراێ مافه‌ێل ئنسان سه‌ر وه نه‌ته‌وه‌ێل یه‌کگرتگ( راپۆرت ٢٠٠٢)، رێکخراو لێبوردن ناو ده‌وڵه‌تی( راپۆرت  دسامبر ٢٠٠٤، هه میچ سپتامبر ٢٠٠٧ و ٢٠٠٨) .

جێ باسه که‌وه پاێ ماده‌گه‌ێل ١٢ و ١٣ له قانوون بنه‌ڕه‌تێ کۆمار ئسلامی ئێران ،هاووڵاتی ئێرانی له سه ر بنه‌واێ   په‌ێوه‌ندی  مه‌زه‌بی تاریف کریاس.  هه‌ر وه‌ی خاتره ، ته‌نیا که‌سه‌ێل موسه‌ڵمان و په‌ێره و که‌مایه‌تیه‌ێل دینی و ره‌سمی ناسریاگ تووانن له مافوێل موده نی خوویان به‌هره‌مه‌ن بوون.

یارسانیه‌كان له ئێران نه جوو‌ر به‌شێک  له ئیسلام   ئه‌رایان حه‌ساو  کریه‌ت و نه جوور که‌مایه‌تی دینی.

له ساڵ ١٩٧٩ و  هاوزه مان وه‌ل  شوڕش  وه ناوو ئسلامی  له ئێران  فره‌ وه‌ یارسانیه‌کان کوشیانه‌س، زندانی کریانه‌س و هه‌میچ ناچار کریانه که وڵات خوه‌یان بیلنه جێ.

وه پاێ ده‌ستوور  بنه‌ڕه تی  ئیسلامی، یارسانیه‌کان له مافه‌ێل گه‌ردونی و هاووڵاتی   بێبه‌ش بینه‌س ئه‌ویش  له وه‌ر ئه‌ووه که گوزینش یا( هه‌ڵوژاردن له سه‌ر بنه‌ڕه‌ت ئیدولوژی)  یه‌كیک له مکانیزمه‌ێل سیاسی و ئقتسادیی  ده‌وڵه‌ته  که بیه‌س وه مه‌مه‌ر ئه‌وه  یارسانیه‌کان نه‌توێنن له شونه‌ێل ده‌ووڵه‌تی کار بکه‌ن.

یارسانیه‌کان گرفتار دوچه‌وه‌کی بوون و مافه‌یڵ بنه‌ڕه‌تییان خریه‌ته ژێر پا ،ئه‌را وێنه  ماف ئه‌وه نه‌ێرن که خوه‌یان ئه‌را ئورگانه‌ێل ده‌وڵه‌تی له وێنه‌ی ( قوه مقننه)  کاندید بکه‌ن یا له  سیستم  سیاسی     ووڵات  به‌شدار بن ، یا ماف دامه‌زرانن و وه‌رێوه‌بردن  رێکخراوه‌ێل غه‌یر ده‌وڵه‌تی  و ته‌نانه‌ت ماف وه‌رێوه بردن مه‌راسمه‌ێل دینی خوه‌یان وه شێوه‌ی ئاشکه‌را له ڵیان زه‌فت کریاس و  هه ر له‌یوا ئه‌وان له ماف خوه‌ندن له ئاست باڵا بێبه‌شن  و له گشتێ خه‌راوتر ئه‌وه‌سه‌  که ئه‌وان حه‌ق نه‌ێرن له  به‌شه‌یل ده‌وڵه‌تی جوور که‌سێکی یارسانی کار بکه‌ن.

بێگومان مه‌سه‌ڵه‌ی گوزینش یه‌کیک وه بنه‌ڕه‌تی ته‌رین گرفته‌ێل روژانه‌ێ یارسانیه‌کانه له ئێران.ئی کاره بیه‌س وه مه‌مه‌ر سازکردن ناهاوسانی  له په‌ێوه‌ندی وه‌ل سامان گشتی، ده‌رفه‌ته‌ل کۆمه‌ڵایه‌تی و هه‌ر له‌یوا  بێبه‌ش بینیان  له  مافه‌ێل بنه‌ڕه تی و ئنسانی خوه‌یان. له لایك ترووه‌ ئی کاره کاریگه‌ری  قویلێک  له سه‌ر زنه‌ی روژانه له کۆمه‌ڵگای یارسان  وه‌جێ هیشتیه‌س.

ئیمه جور هاوڵاتیه‌یل سوێدی وه‌  ڕه‌چه‌ڵه‌ك  یارسانی  خه‌یمه ویرتان که پا له سه ر جه‌هانی بیین مافه‌یل گه‌ردونی  وئنسانی ئێرانه‌کان له‌ گوفتگووه‌كانت وه‌ل ره‌ژیم ئیران  پا بێه‌ گه‌ز و هه‌ر له‌یوا  هان کۆماری ئسلامی ئێران بێه‌ن که دگان  بنه‌یت   وه‌  مافه‌ێل ئنسانی و  گه‌ردونی  یارسانیه‌کان و هه‌میچ  داوا بکه‌ن که ده‌س  هه‌ڵبگرێت له  پاێماڵکردن مافه‌کانیان  و ئه‌و حه‌قه   داشتوین  که خاون دین و باوه‌ر غه‌یر ئسلامی  خوه‌یان بوون.

ئی نامه‌ له‌ لایان فدراسیون یارسان له سوئد و دكتور فریدون مرادی چالاك مافه‌كان به‌شه‌ر ئاماده‌ كریاس

ئەرا دیێن دەق نامەکە ئێ لینک خوارە تماشا بکەن

statsministern_tala_om_manskliga_rattigheter_i_iran

Likes(0)Dislikes(0)