من ئەڵماس مەحمەدی جور ئەندامێک لە بنەماڵەێ کوردان یارسانی و فعالێک لە رێز یاری کورد پڕ وە دڵ سەرکەفتن کونگرەێ دوێ یاری کورد لە دوستانم لە رێزەکان یاری کورد تەبریک ویشم و دەست تەک تەک ئیوە عەزیزەیل و فعالەیل یاری کورد ماچ کەم.

من دڵنیام لە ئەوەێکە کە ئیوە ئنسانەل دڵسوزێکن ئەرا خاک و ملەت کورد و کومەڵگاێ کورد یارسان و ئارەزویچ کەم کە هەمیشە ئەرکە نیشتمانی و ملیەکان بخەنە نواێ گشت کارەکان و یەک سانیەش لە دڵسوزی ئەرا کوردستان و خاکە اشغاڵ کریاێەکەمان قافڵ نەون .

هەر ملەتێک خاون دەوڵەت و ئاو و خاک خوەێ نەوت نە دین دێرت و نە ایمان و هیچ وەقت ناتوانێ وە ئاسودە روژێک لە ماڵ خوەێ ئسراهەتێک بکەێت هەر وە ئەو خاترە ئیمە باێد وەر لە گشت چشتێک ئەرا رزگاری ئاو خاک کورد بکوشیم.

یارسان بەشێکە لە فەرهنگ و داب و نەریت خاک کوردستان و هەر وە ئەو خاترە ئەرکە لە سەر شان ئەندامەل خانەوادەێ  یارسان ئەرا سەربەرزی و پیروزی کەلیمەی کورد و کوردستان کوشش بکەن و سەبەرزی ملەت کورد وە  پیروزی یەکجاری یاری و یارسان بزانن.

من هەمیشە  یەکیک لە ئەندامەل یاری کورد بیمەس و هەتا روژێک ژیان دەرفەتم بێەیت پشتیوان یاری کوردم و هەر لە رێ یاری کوردیشوە خزمەت وە یەکرێزی شارە جوانەکەم کرماشان کەم کە هەمیشە جور گوڵێک لە ناو باخان رەنگین و سەربەرز بمینێتوە.

زندە باد کورد و کوردستان

ئەڵماس مەحمەدی

٩.٨.٢٠١٦

Likes(0)Dislikes(0)