پەیامی دوولایەنی سیاسی رۆژهەڵاتی کوردستان سەبارەت نەورۆز وساڵی نوێی کوردی.

خەڵكی ئازادیخوازی كوردستان

هاونیشتمانەخۆشەویستەکان،

جەژنی نەورۆز بە واتای هاتنی وەرزی بەهار و ژیانەوەی سروشت و دەسپێکی ساڵی نۆێ کوردی و وەک بۆنەیەکی نەتەوەیی و نیشتمانی گەڵەکەمان. نەورۆز هێمایی سەرکەوتن و ژیانەوە، بە مانایی رۆژێکی نوێ لە وەرزێکی نوێ بۆ ژیانێکی نوێیە، هیوادارین سالێ نوێ و ژیانەوەی سروشت ببێتە هەوێنی یەکدەنگی و یەکرێزی لەپێناوگەیشتن بەئامانجەنە نەتەوەییەکانی گەلەکەمان،

هاونیشتمانیانی خوشەویست

تا کو وەرزی زستان تێ نەپەڕێنین، بەهار و وەرزی جوانی و ڕازاوەیی سرووشت ڕوومەتی گوڵان ناپشکووێت و دارستان چرۆناکات، بەهەمان شێوە تاکو قۆناغە دژوارەکان و دۆخی ئاڵۆز و مەترسیدار تێپەڕنەبێت ڕزگاری یەکجارەکی و سەربەستیی و دادپەروەری کۆمەڵایەتی بەدەست نایەت. با هەموومان یەکدەنگ و یەکگرتوو لەگەل نوێبوونەوەی سروشت بە تین و گڕێکی نوێ وەک ئاگری نەورۆز دڵی داگیرکەران وەلەرزە بێنین و خەبات و تێکۆشانمان لە هەموو بوارەکاندا بەرەو پێش ببەین بۆ گەیشتن بە مافە نەتەوایەتیەکانمان لە پێناو ژیانێکی نوێ و ئازادی و سەربەستی بۆگەلەکەمان.

با جەژنی نەورۆزی بکەینە دەرفەتێک بۆ گەیاندنی پەیامی یەکدەنگی و یەکریزی گەلەکەمان لە کاتێدا ناوچەکە بەرەو گۆڕانکاری دەڕۆات.

بەناوی پارتی لیبرال دیمۆکراتی کوردستان و رێکخراوی یاری کورد ،گەرمترین وگەشترین پیرۆزبایی خۆمان دەکەینە چەپکەیەک گوڵی بەهاری وپێشکەش بەهەموو گەلی کوردی دەکەین و هیوادارین ساڵی نوێ سالی گەیشتن بەبەهاری  ئازادی وگەیشتن بەمافەنەتەوەیەکانمان بێت.

جەژنی نەورۆزتان پیرۆز و ساڵی نوێتان بەخۆشی شادی بێت ، هیوادارین ساڵی نوێ سالی ئازادی بێت بۆ گەلەکەمان 
پارتی لیبرال دیمۆکراتی کوردستان
رێکخراوی یاری کورد
١٥ مارس ٢٠١٧ – ٢٥ ڕەشەمە 2017 کوردی
Likes(0)Dislikes(0)