خەڵكی ئازادیخوازی كوردستان

هاونیشتمانەخۆشەویستەکان،

جەژنی نەورۆز بە واتای نەمانی زستانی سارد و تاقەت پرووکێن و هاتنی وەرزی بەهار و ژیانەوەی سروشت و دەست لە مل کردنی دار ،گوڵ و گێا و رازانەوەی دوبارەی دیمەنی وەڵات و دەسپێکی ساڵی نۆێ کوردی ، وەک بۆنەیەکی نەتەوەیی و نیشتمانی گەڵەکەمان دێتە ئەژماردن.

نەورۆز هێمایی سەرکەوتن و ژیانەوە، بە مانایی رۆژێکی نوێ لە وەرزێکی نوێ بۆ ژیانێکی نوێیە، هیوادارین سالێ نوێ و ژیانەوەی سروشت ببێتە هەوێنی یەک دەنگی و یەکرێزی لەپێناو گەیشتن بەئامانجەنە نەتەوەییەکانی گەلەکەمان،

هاونیشتمانیانی خوشەویست وەک هەموو لاێە ک ئاگادارن نیشتمانی ئێمە بە قوناخێکی هەستیاردا تێدەپەرێت و داگیرکەرانی خاک و نیشتمانی ئێمە توشی قەیرانی تاقەت پرووکێن بوون و کۆشکەکانیان لە هاڵی رۆخان داێە،بۆێە ئەرکە لە سەر شانی هەموو هێزە نیشتمانی و شورشگیرەکانی کوردە نەوروز بکەنە هەوێنی ئاشتی و یەکیەتی و ئاگری نەورۆز لە سەر پشتی داگیرکەران و دوژمنانی کورد بکەنەوە.

هاو وڵاتیانی خۆشەویست، نیشتمانپەروەرانی دڵسۆز، هەتاکو وەرزی زستان تێ نەپەڕێنین، بەهار و وەرزی جوانی و ڕازاوەیی سرووشت ڕوومەتی گوڵان ناپشکووێت و دارستان چرۆناکات، بەهەمان شێوە تاکو قۆناغە دژوارەکان و دۆخی ئاڵۆز و مەترسیدار تێپەڕنەبێت ڕزگاری یەکجارەکی و سەربەستیی و دادپەروەری کۆمەڵایەتی بەدەست نایەت. با هەموومان جێژنی نەوروز بەکینە هەوێنی ئاشتی و ئاشت بونەوە وەک سروشتە جوان و رەنگینەکەی وەڵات دەست لە نێو دەست بە پشت بەستن بە یەک و لە پێناو ئامانجی پیروز یەک دەنگ و یەکگرتوو لەگەل نوێبوونەوەی سروشت بە تین و گڕێکی نوێ وەک ئاگری نەورۆز دڵی داگیرکەران وەلەرزە بێنین و خەبات و تێکۆشانمان لە هەموو بوارەکاندا یەک بخەین و بەرەو پێش ببەین بۆ گەیشتن بە مافە نەتەوایەتیەکانمان لە پێناو ژیانێکی نوێ و ئازادی و سەربەستی بۆگەلەکەمان.

بەناوی پارتی سۆسیال دیموکراتی هەۆرامان، پارتی لیبرال دیمۆکراتی کوردستان و رێکخراوی یاری کورد(یارسان) و یەکێتی شورشگێرانی کوردستان ،گەرمترین وگەشترین پیرۆزبایی خۆمان دەکەینە چەپکەیەک گوڵی بەهاری وپێشکەش بەهەموو گەلی کوردی تێکوشەر دەکەین و هیوادارین ساڵی نوێ سالی گەیشتن بە بەهاری ئازادی وگەیشتن بەمافە نەتەوەیەکانمان بێت.

جارێکیتر نەوروزتان پیروز و هەموو روژێکتان نەوروز بێت

سازمان یاری کورد (یارسان) پارتی لێبرال دیموکراتی کوردستان، یەکێتی شۆڕشگێڕانی کوردستان وپارتی سۆسیال دیموکراتی هە ورامان

١٨.٣.٢٠١٩

Likes(5)Dislikes(0)